+7 (701) 759 90 19
USD 425.3 EUR 501.05
RUB 5.85 CNY 65.88
Янгиликлар

ЖССТ ҳинд штаммининг кенг тарқалиши ҳақида огоҳлантирди

15 Июль 09:10
Баҳам кўринг:
ЖССТ ҳинд штаммининг кенг тарқалиши ҳақида огоҳлантирди

MOSKVA. TASS - Kazinform - 6-13 июл кунлари коронавируснинг энг кўп учрайдиган «дельта» штаммини юқтирган мамлакатлар ва ҳудудлар сони 6 тага ўсиб, 111 тага этди. Бу ҳақда Жаҳон соғлиқни сақлаш ташкилоти маълум қилди, деб хабар беради Kazinform TASSга асосланиб.

Ўхшаш янгиликлар

ЖССТнинг ҳафталик эпидемиологик бюллетенига кўра, «хавотирли вариантлар» тоифасига кирувчи тўртта штаммни («альфа», «бета», «гамма» ва «дельта») юқтириш даражаси юқори.

«Дельта» штамми сўнгги икки ой ичида ЖССТнинг олтита минтақасидаги камида 111 мамлакатда топилган ва у ҳозиргача аниқланган бошқа штаммларга нисбатан юқумли. Бу шуни англатадики, ушбу штамм яқин ойларда дунёдаги «асосий» версияга айланиши мумкин, - дейилади ташкилотнинг эпидемиологик бюллетенида.

Бир ҳафта олдин, 6 июл ҳолатига кўра, «дельта» штамми 104 мамлакат ва ҳудудларга тарқалган. Ундан бир ҳафта олдин мамлакатлар ва ҳудудлар сони 96 эди.

ЖССТ эпидемиология бюллетени 196 мамлакат ва ҳудудларда коронавирус штаммларининг тарқалиши тўғрисидаги маълумотларни эълон қилди. Ушбу маълумотлар «дельта» сайёрамизнинг аксарият қисмида кенг тарқалганлигини кўрсатади. Хусусан, Ҳиндистондан ташқари, Россия, Буюк Британия, Германия, Греция, Испания, Туркия, Франция, Индонезия, Таиланд, Япония, Исроил, Бразилия, АҚШ ва Жанубий Африкада аниқланди. Шунингдек, унинг Хитойда мавжуд бўлиши мумкинлиги тўғрисида хабарлар мавжуд, аммо эпидемиологик бюллетенга кўра, бу маълумотлар «ЖССТнинг норасмий манбаларидан олинган ва қўшимча равишда таҳлил қилинади». Бундан ташқари, ташкилот ҳозирда Исландияда, Мисрда, Черногорияда, Кубада, шунингдек бошқа мамлакатлар ва ҳудудларда «дельта» штамми мавжудлиги тўғрисида маълумотларга эга эмас. Уларнинг умумий сони 85 тани ташкил этади.



Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив