Жорий йилда Қозоғистонда фойдаланилмаётган 3 миллион 840 минг гектар ер давлат тасарруфига қайтарилди
«Вазирликнинг Ер ресурсларини бошқариш қўмитаси томонидан республика бўйича 2,7 миллион гектар майдонда режадан ташқари текширув ўтказилди. Натижада 1,9 миллион гектар майдонда 732 та фармойиш жорий этилди. Улардан 306,2 минг гектар майдонни эгаллаган 107 та материал адлия органларида кўриб чиқилмоқда. Тегишли чора-тадбирлар кўрилганидан сўнг 1,3 миллион гектар қишлоқ хўжалиги ерлари ўзлаштирила бошлади. Шунингдек, ерга нисбатан қабул қилинган қарорларнинг қонунийлигини аниқлаш мақсадида 140 та режадан ташқари текширишлар ўтказилди. Натижада ер қонунчилиги бузилишини бартараф этиш юзасидан 101 фармойиш берилди. Бугунги кунда жами 3,84 миллион гектар фойдаланилмаётган ер давлат ҳисобига қайтарилди», — деди ҚР Қишлоқ хўжалиги вазири Ербол Қарашўкеев.
Унга кўра, 2023 йил охиригача фойдаланилмаётган ва ноқонуний берилган 10 миллион гектар қишлоқ хўжалиги ерлари бўйича аниқ қарор қабул қилинади.
«Юқоридаги ишларни бажариш учун қўшимча 200 штат ажратиш орқали ер инспектсиясининг ваколатларини кучайтириш зарур. Шунингдек, фойдаланилмаётган ҳудудларни аниқлаш учун мониторинг ўтказиш керак. Бундан ташқари, вилоят ҳокимликлари ва вилоят ҳокимликларининг ер муносабатларига масъул ўринбосарларининг масъулиятини кучайтириш зарур», — деди у.
Муаллиф: Даулет Изтилеу