Жорий йилда хорижликлар иштирокида умумий қиймати 3,7 миллиард долларлик 36 та лойиҳа амалга оширилди – ҚР ТИВ

ASTANА. Кazinform – Жорий йилда мамлакатда хорижликлар иштирокида умумий қиймати 3,7 миллиард долларлик 36 та инвестиция лойиҳаси амалга оширилди. Бу ҳақда Қозоғистон Республикаси Ташқи ишлар вазирлиги расмий вакили Айбек Смадияров маълум қилди, дея хабар беради Кazinform мухбири.

«Пандемия туфайли дунё протектционизм, санкциялар ва савдо қарама-қаршилиги туфайли кўп томонлама савдо тизими учун катта муаммоларга дуч келмоқда. Шунга кўра, иқтисодий дипломатия ва хорижий сармояларни жалб этишга алоҳида эътибор қаратилмоқда. Мустақиллик йилларида Қозоғистон 400 миллиард доллар сармоя жалб этилди», - деди у вазирликнинг жорий йилдаги фаолияти сарҳисобига бағишланган матбуот анжуманида.

Унинг сўзларига кўра, Ташқи ишлар вазирлиги ва мамлакат элчихоналари томонидан маҳаллий маҳсулотларни ташқи бозорларга олиб чиқиш, экспорт-импортнинг ўзаро манфаатли жараёни доирасида янги ҳамкорлар билан ишончли ишбилармонлик алоқаларини ўрнатиш, Қозоғистонга хорижий сармояларни жалб этиш бўйича ишлар олиб борилмоқда.

«Жорий йил бошидан буён хорижликлар иштирокида умумий қиймати 3,7 миллиард долларлик 36 та инвестиция лойиҳаси фойдаланишга топширилди. 3,8 мингдан ортиқ иш ўрни яратилди. Шу билан бирга, жорий йил охиригача камида 5 та лойиҳа фойдаланишга топширилиши кутилмоқда. Иқтисодиётнинг турли тармоқларида таклиф этилаётган инвестиция лойиҳалари умуммиллий пули бўйича кенг кўламли ишлар амалга оширилмоқда. Бугунги кунда пул дунёнинг 30 дан ортиқ давлатидан жами 32,1 триллион тенгелик инвестицияларни жалб этган ва 130 мингга яқин иш ўрни яратишга қаратилган 932 та лойиҳадан иборат», — деди Айбек Смадияров.

Муаллиф: Марлан Жиембай