Жорий йилда Алмати шаҳрининг 19 мингдан ортиқ аҳолиси ичимлик суви билан таъминланади
«Шаҳар ҳокими 2014 йилда Алмати вилоятининг Талғар тумани ҳудуди Медеу туманига қўшилганини эслатди. Булар шаҳримизнинг собиқ қишлоқлари, ҳозир эса кичик туманлари. Ушбу кичик ҳудудлар аҳолисини сифатли сув ва оқова сув билан таъминлаш долзарб масалалардан биридир. Ўтган йили 5,4 километр сув таъминоти ва канализация тармоғи қурилди ва реконструкция қилинди. 2023 йилда ишлар ҳажмини сезиларли даражада ошириш, 64,7 километр сув қувури ва канализация тармоғини қуриш кўзда тутилган бўлиб, бунинг натижасида жорий йил охиригача Қўлсой, Кенсой, Сулусой, Компот, Музтау кичик туманларида ва Халиулин кўчаси, яъни туманнинг 19 минг нафардан ортиқ аҳолиси сифатли сув ва оқова сув билан таъминланади. Бундан ташқари, Думан кичик туманида 14 км узунликдаги сув қувури ва канализация тармоғини қуриш бўйича лойиҳа-смета ҳужжатлари ишлаб чиқилмоқда», - деди Ерболат Досаев.
Шунингдек, у ўтган йилнинг август ойида «Каменское плато» посёлкасида сув қудуғидаги сув сатҳи ўлчанганини таъкидлади. Бу шуни кўрсатдики, сув қудуғининг дебети 2,5 баравар камайган. «Бу муаммони ҳал этиш мақсадида менинг топшириғим билан «Балқаш» сув омборлари ва насос станциясини тўлиқ реконструкция қилиш лойиҳаси ишлаб чиқилиб, 4 та янги сув манбасини қуриш ишлари олиб борилмоқда. Бу Каменское плато, Кўлсой, Музтау ва Юбилейний кичик ҳудудларини мунтазам сув таъминоти билан қоплаш имконини беради. 3 млрд 568 млн тенге миқдорида маблағ ажратилди, ишлар жорий йилнинг апрел ойида бошланиб, йил охирига қадар якунланади.
«Алмати сув» корхонаси ва туман ҳокимлиги ушбу ишлар якунига этгунга қадар мазкур кичик туманлар аҳолисини қўшимча кўчма сув билан таъминлайди», - деди шаҳар раҳбари.
Муаллиф: Алма Муқанова