Жорий йилда 120 мингдан ортиқ қозоғистонлик бепул техник ва касб-ҳунар таълими олиши мумкин
27 Январь 15:33

Жорий йилда 120 мингдан ортиқ қозоғистонлик бепул техник ва касб-ҳунар таълими олиши мумкин

NUR-SULTAN. Kazinform – Жорий йилда 120 мингдан ортиқ қозоғистонлик бепул техник ва касб-ҳунар таълими олиши мумкин бўлади. Бу ҳақда ҚР Таълим ва фан вазирининг биринчи ўринбосари Шолпан Каринова маълум қилди, деб хабар беради Kazinform мухбири.

«Президент топшириғига кўра, коллежларда таълимга давлат буюртмалари ҳажми ортади. Жорий йилда 120 мингдан ортиқ қозоғистонлик бепул техник ва касб-ҳунар таълими олиши мумкин. Бу 2021-2022 ўқув йилига нисбатан 25 минг нафарга кўпдир. Шунингдек, коллежларга патронажлик амалиётини ривожлантириш ва дуал таълимни кенгайтириш кўзда тутилган», - деди Шолпан Каринова вазирликнинг кенгайтирилган ҳайъат йиғилишида. Шунингдек, Президентнинг истеъдодли болаларни қўллаб-қувватлаш бўйича топшириғи доирасида вазирлик томонидан қонун ҳужжатларига тегишли ўзгартиришлар тайёрланаётганини таъкидлади.

«Улар халқаро фан олимпиадалари ғолибларига олий ўқув юртларида ЯМТсиз, яъни танловсиз асосда ўқиш учун грантлар ажратиш ниятида. Энг муҳими, халқаро мусобақалар ғолиб ва ​​совриндорлари ҳамда уларнинг ўқитувчи ва мураббийларига бир марталик пул мукофотлари тўлаш масаласини кўриб чиқдик. Олтин медал соҳибларини – 1500 БҲМ, кумуш медални қўлга киритганларни – 1000 БҲМ, бронза медалларини қўлга киритганларни – 500 БҲМ миқдорида мукофотлаш режалаштирилган», - деди вазирнинг биринчи ўринбосари.


Муаллиф: Марлан Жиембай

Янгиликлар

Архив