Жиловни зукко сиёсатчи ушлаши керак бўлди - эксперт КХШТ янги Бош котиби ҳақида

ASTANA. Kazinform - Сиёсатшунос Марат Шибутов Иманғали Тасмағамбетовнинг Коллектив Хавфсизлик Шартномаси Ташкилоти Бош котиби лавозимига тайинланиши ҳақида фикр билдирди, дея хабар бермоқда Kazinform мухбири.

Экспертнинг айтишича, ташкилот раҳбариятига нафақат ҳарбий, балки малакали сиёсатчи керак эди.

«Нега уни тайинлашди? Бунинг 4 та сабаби бор. Аввало, Қозоғистон вакили ворислик тартибига кўра кейинги 3 йилда ташкилотнинг бош котиби бўлиши керак. Иккинчидан, ҳозир КХШТнинг асосий муаммоси Арманистон ва Озарбайжон ўртасидаги можародир. Қайта-қайта отишмалар содир бўлди ва Арманистоннинг мамлакат сифатида сақланиб қолиши таҳдид остида қолди»

, - деб ёзади сиёсатшунос.

Мутахассиснинг эслатишича, илгари ташкилот раҳбариятини эгаллаб турган шахсларнинг ҳеч бири бир вақтлар Қозоғистон Бош вазири, Президент маъмурияти раҳбари бўлган Иманғали Тасмағамбетовдек сиёсий тажрибага эга эмас эди.

«Ҳозир КХШТ учун қийин давр. Шундай экан, котибиятда нафақат ҳарбий, балки малакали сиёсатчи ҳам бўлиши керак. Тўртинчидан, Тасмағамбетов Қозоғистон мудофаа вазири лавозимида тажрибага эга ва Россия билан жуда яхши муносабатларга эга. Ахир Россия КХШТнинг асосий аъзоси ва мувофиқлаштирувчи давлатидир»

, - деб ёзади Марат Шибутов.

Аввал хабар қилинганидек, Иманғали Тасмағамбетов Коллектив хавфсизлик шартномаси ташкилоти Бош котиби лавозимига тайинланган эди.

Муаллиф: Есимжан Нақтибай