Жанубий Калифорния тоғларида қор бўрони 13 кишининг ҳаётига зомин бўлди

None
WASHINGTON. Кazinform – Жанубий Калифорниянинг Сан-Бернардино округида юз берган қор бўрони оқибатида 13 киши ҳалок бўлди, дея хабар бермоқда Кazinform ABC News агентлигига таяниб.

Сан-Бернардино округи шериф идораси ҳар бир воқеани алоҳида текширади. Ушбу ўлимлардан фақат биттасига ёмон об-ҳаво туфайли содир бўлган йўл-транспорт ҳодисаси сабаб эканлиги аниқланди.

23 февраль куни Миллий об-ҳаво хизмати Сан-Бернардино тоғларида сўнгги 30 йил давомида қайд этилмаган қор бўрони бўлишидан огоҳлантирди. Синоптиклар 150 см қор ёғишини башорат қилишган.

Қор бўрони туфайли Калифорнияда февраль охиридан март ойининг бошигача мисли кўрилмаган қор ёғди. 27 февраль куни Сан-Бернардино округида фавқулодда ҳолат эълон қилинганди, чунки тоғ аҳолиси ўз уйларида қолиб кетган ёки кучли қор туфайли уйга кира олмай қолган.

Ҳатто Сан-Бернардино аҳолиси қор билан қопланган уйларини тарк эта олмай, 14 кун давомида озиқ-овқатсиз қолган.

Оринж округида 600 га яқин бошланғич ва ўрта мактаб ўқувчилари уйга қайта олмагани учун мактабда қолишга мажбур бўлди.

Фото: Mario Tama/Getty Images

Сўнгги хабарлар