Жамбилдаги аварияда жабрланган ўзбекистонликлар учун ишонч телефони ишга туширилди

NUR-SULTAN. Kazinform – Жамбил вилоятида юз берган йирик йўл-транспорт ҳодисаси муносабати билан «Ишонч телефонлари» ишга туширилди, деб хабар беради Kazinform.

Жуали тумани, Бауржан Момишули қишлоғидан 6 км узоқликда, Алмати-Тошкент автомобил йўлининг 571-километрида ҳалокатга учраган Ўзбекистон Республикасида рўйхатдан ўтган автобус йўловчилари ва ҳайдовчиларининг яқинлари ва яқинларига психологик ёрдам кўрсатиш учун «Ишонч телефонлари» очилди. Бу ҳақда вилоят фавқулодда вазиятлар бошқармаси матбуот хизмати хабар берди.

Ишонч телефон рақамлари 8 [phone], 51-41-67

Бугун Бауржан Момишули қишлоғидан 6 км узоқликда, Алмати-Тошкент автомобил йўлининг 571-километрида Ўзбекистон Республикасида рўйхатдан ўтган автобус ва трактор тўқнашиб кетиши оқибатида икки киши ҳалок бўлган.

«Жамбил вилояти Фавқулодда вазиятлар бошқармаси ходимлари воқеа жойида қутқарув ишларини олиб бормоқда. Ёнғин хавфсизлиги хизматидан жами 38 нафар ўт ўчирувчи ва 10 бирлик техника, Табиий офатлар тиббиёти марказидан 2 нафар ходим ва 1 бирлик техника сафарбар этилган. Ҳодисанинг аниқ сабабларини ваколатли органлар аниқлайди», — дейилади хабарда.