Жамбил вилоятида 4 минг киши тадбиркорлик фаолиятини бошлади

ТARAZ. Кazinform – Жамбил вилоятида «Ауыл аманаты» лойиҳаси доирасида 4 мингга яқин киши ўз тадбиркорлик фаолиятини йўлга қўйди, деб хабар беради Кazinform мухбири.

Бу ҳақда вилоят ҳокими ўринбосари Қанатбек Мадибек вилоят коммуникациялари хизматида бўлиб ўтган брифингда маълум қилди.

Унинг таъкидлашича, 2019 йилда пилот лойиҳа бошланганидан буён вилоятга 18,3 миллиард тенге маблағ ажратилиб, 24 қишлоқда 4 мингга яқин аҳоли ўз тадбиркорлик фаолиятини йўлга қўйди. Жорий йилда эса қўшимча 24 миллиард тенге ажратилди.

«У ерда 26 қишлоқнинг 5 мингга яқин аҳолисига кредит бериш ниятидамиз. Яъни, аҳоли хусусий тадбиркор сифатида рўйхатга олиниб, иш ўринлари яратилмоқда.

Натижада мазкур лойиҳа билан қамраб олинган қишлоқ аҳолисининг ўртача даромади 44 минг тенгедан 113 минг тенгега кўтарилади. 2024-2025 йилларда республика бюджетидан 45,5 миллиард тенге ҳисобидан 103 та қишлоқ туманларининг 490 минг нафар аҳолисини қамраб олишни режалаштирганмиз. Умуман олганда, жорий йилда қишлоқ хўжалигини қўллаб-қувватлаш учун 27,4 миллиард тенге субсидия ажратилди», - деди вилоят ҳокими ўринбосари.