Жакартада кучли ёнғин содир бўлди: 17 киши ҳалок бўлди

JAKARTA. Kazinform – Индонезиянинг Жакартадаги Pertamina давлат энергетика компаниясига тегишли ёқилғи сақлаш станцясида жума куни юз берган кучли ёнғин оқибатида камида 17 киши ҳалок бўлди, дея хабар бермоқда Kazinform Reuters агентлигига таяниб.

Маҳаллий ўт ўчириш бошқармаси расмийсига кўра, ҳалок бўлганларнинг икки нафари болалардир. Яна 50 киши яраланган, улардан бири бола.

Маҳаллий вақт билан 20:00 дан кейин бошланган ёнғин бир неча уйни вайрон қилган.

Pertamina вакили жума куни кечқурун ёнғин маҳаллий вақт билан 22:30 атрофида ўчирилганини айтди.

Шундан сўнг ёнғин содир бўлган ҳудуддаги бир нечта уйларда аланга чақнашлари кузатилган.

Жабрланганларнинг аксарияти куйиш жароҳатлари олган. Индонезия ҳукумати даволаниш учун барча харажатларни қоплайди, деди Жакарта губернатори вазифасини бажарувчи Ҳеру Буди Ҳартоно.

Жакарта табиий офатларни бошқариш агентлиги маҳаллий аҳоли яқин атрофдаги масжидларга эвакуация қилинганини айтди.

21 ёшли маҳаллий фуқаро Сисванди ёнғин пайтида тартибсизлик ҳукм сурганини айтди. Куйган ва жароҳатланган аҳоли ваҳима ичида ёнғин жойини тарк этган.

Pertamina ўз баёнотида ёнғин сабаблари ҳали ҳам ўрганилаётганлигини ва эвакуация ишлари давом этаётганини билдирди.

Мамлакат энергетика вазирлиги маълумотларига кўра, ёнғин содир бўлган ёқилғи сақлаш шохобчаси 300 минг килолитрдан ортиқ сиғимга эга.

Фото: Reuters/WILLY KURNIAWAN