Жаҳон чемпионатида иштирок этган жамоалар қанча пул олишлари маълум бўлди
NBC Sports хабарига кўра, Халқаро футбол уюшмаси (ФИФА) бу мақсад учун 410 миллион евродан ортиқ маблағ ажратган.
Гуруҳдан ўта олмаган Қатар, Эквадор, Уэльс, Эрон, Мексика, Саудия Арабистони, Дания, Тунис, Канада, Бельгия, Германия, Коста-Рика, Сербия, Камерун, Гана ва Уругвай терма жамоалари 8,5 млн евродан олади.
Шунингдек, 1/8 финалдан сўнг мусобақадан чиқиб кетган АҚШ, Сенегал, Австралия, Польша, Испания, Япония, Швейцария ва Жанубий Корея терма жамоалари 12 млн еврога яқин олишади. Чорак финалга чиққан Бразилия, Голландия, Португалия ва Англияга 16 млн евродан сал кўпроқ берилади.
Тўртинчи ўринни эгаллаган Марокаш 23,5 млн евро, бронза медали соҳиби Хорватия эса тахминан 25,5 млн евро олади.
Жаҳон чемпионати кумуш медали соҳиби Франция 28 млн евро, ғолиб - Аргентина терма жамоаси эса 37,5 млн евро олади.
Муаллиф: Ғайсағали Сейтақ
Фото: www.championat.com