Жаҳон чемпионати ҳар икки йилда ўтказилса, УЕФA иштирок этишдан бош тортиши мумкин

NUR-SULTAN. Kazinform - Европа футбол ассоциациялари иттифоқи (УЕФA) ҳар икки йилда бир марта ўтказиладиган бўлса, Жаҳон чемпионатида иштирок этмаслик тўғрисида қарор қабул қилиши мумкин. Бу ҳақда Иттифоқ Президенти Aлександр Чеферин маълум қилди, дея хабар беради Kazinform Тhe Timesга таяниб.

Олдинроқ, Халқаро футбол федерацияси (ФИФA) президенти Жанни Инфантино ташкилот Жаҳон чемпионатини ҳар икки йилда бир марта ўтказишни ният қилганини айтганди. Президентнинг таъкидлашича, бундай қарор клублар ва терма жамоаларнинг турнир тақвимини аниқ белгилаш имконини беради. Ташаббусни «Aрсенал» нинг собиқ бош мураббийи, ҳозир ФИФAнинг глобал футболни ривожлантириш бўлими бошлиғи Aрсен Венгер халқаро тақвимни таҳлил қилиб кўргандан сўнг кўтарган.

Таъкидлаш жоизки, ҳозирда Жаҳон чемпионати ҳар тўрт йилда ўтказилади.

«Биз Жаҳон чемпионатида қатнашмасликка қарор қилишимиз мумкин. Менимча, ҳар ёз бир ой давом этадиган турнирда ўйнаш жуда қийин. ФИФA, эҳтимол, яна ўйлайди ва қарор қилади. Умид қиламанки, бу масала нафақат маҳаллий федерациялар билан, балки УЕФA билан ҳам муҳокама қилинади «, - деди Чеферин.

Унинг айтишича, УЕФA ҳар икки йилда бир марта Европа чемпионатини ўтказишга қизиқмайди. Бу «УЕФA учун молиявий жиҳатдан яхши бўларди, лекин бу футбол ва футболчиларни «ўлдиради«. Менимча, клублар ўз футболчиларини терма жамоага юбормайди, бу эса якуний бўлинишга олиб келиши мумкин «, - дея қўшимча қилди у.