Ўзбекистонликларнинг деярли 100 фоизи коронавирусга қарши вакцинанинг биринчи дозасини олди

TASHKENT. Kazinform – Ўзбекистонда коронавирусга қарши вакцинанинг биринчи дозасини 21,3 миллион киши, яъни мамлакатнинг катта ёшли аҳолисининг 99,4 фоизи олди, деб хабар беради Kazinform мухбири.

Ўзбекистон Республикаси Соғлиқни сақлаш вазирлиги маълумотларига кўра, мамлакатда 72,6 миллион доза вакцина қўлланилди. Улардан: биринчи дозани 21,3 миллион киши, иккинчи дозани 18,5 миллион киши, учинчи компонентни 11,1 миллион киши (ZF-UZ-VAC2001 хитой-ўзбек вакцинаси уч дозада юборилган) эмланди. Бустер доза билан эмланганлар 21,6 млн нафарни ташкил қилди.

«Биринчи дозани олганлар режалаштирилган эмлаш билан солиштирганда 99,4 фоизни ташкил этади», - дейилади Ўзбекистон Республикаси Соғлиқни сақлаш вазирлиги хабарида.

Вазирлик маълумотларига кўра, 12-18 ёшли ўсмирларни эмлаш учун 2,5 миллиондан ортиқ вакцина дозаси қўлланилди, шу жумладан, биринчи дозани 1,1 млн бола, иккинчи дозани 994 минг бола ва бустер дозани 361 минг ўсмир олган.

Эслатиб ўтамиз, аввалроқ Ўзбекистонда эмлаш кампанияси ўтган йилнинг 1 апрелидан бошлангани хабар қилинганди. Эмлаш AstraZeneca, ZF-UZ-VAC2001, «Спутник-V», Moderna, Pfizer ва Sinovac препаратлари билан амалга оширилади.

Муаллиф: Мадибек Жанибеков