Ўзбекистонлик чавандоз Бельгияда олтин медалга сазовор бўлди

TASHKENT. Kazinform - Бельгияда от спортининг конкур йўналиши бўйича давом этаётган халқаро турнирда ўзбекистонлик Абдураҳмон Абдуллаев ғалабага эришди. Бу ҳақда Kazinform UzAга таяниб хабар беради.

Бельгиянинг Опглаббек шаҳрида жойлашган «Sentower Park» клубида ўтаётган мусобақада ўзбекистонлик чавандоз Абдураҳмон Абдуллаев CСИЖ Гран-при (140 см тўсиқ баландлиги) дастурида муваффақиятли иштирок этди.

У «Авелино Де Кросс» лақабли отда энг юқори натижани қайд этди ва олтин медалга сазовор бўлди.

Иккинчи ўринни британиялик Клаудия Мор қўлга киритган бўлса, кучли учликка чехиялик Оливер Писарик якун ясади.