Ўзбекистонга янги «Аfrosiyob» тезюрар поезди олиб келинмоқда

TASHKENT. UzA-Kazinform- «Аfrosiyob» замонавий поезди Россиядан Ўзбекистонга қараб йўл олди, дея маълум қилди «Ўзбекистон темир йўллари» АЖ матбуот хизмати, деб хабар беради Kazinform UzAга асосланиб.

Жорий йилнинг 30 июнь куни Испаниянинг Бильбао портидан 2 та локомотив ва 11 та вагон, шунингдек, алоҳида яна 4 та вагон ортилган кема июль ойининг биринчи ўн кунлигида Россиянинг Санкт Петербург портига етиб келган эди.

«Ўзбекистон темир йўллари» АЖ мутахассислари россиялик ҳамкасблари билан ҳамкорликда мазкур замонавий поездни Ўзбекистонга олиб келишга ҳозирлади. 2021 йил 20 июль куни «Afrosiyob» поезди Санкт Петербург шаҳридан Ўзбекистонга қараб йўлга чиқди.

Маълумот ўрнида айтиш жоизки, бундан 10 йил илгари, 2011 йилда Ўзбекистонга биринчи юқори тезликда ҳаракатланувчи «Afrosiyob» поезди олиб келинган эди.