Ўзбекистонга яна бир «Aфросиёб» тезюрар поезди етиб келди

TASHKENT. Kazinform - Aфросиёб электропоездининг узоқ кутилган ҳаракатланувчи таркиби Тошкентга етиб келди. Aввалроқ, Россиянинг Санкт-Петербург портидан йўлга чиққанлиги ҳақида хабар берилганди, у ерда пойезд шу йилнинг 16 сентябрида Испаниянинг Билбао портидан кемада келган эди. Бу ҳақда Kazinform «Ўзбекистон темир йўллари» АЖ Ахборот-таҳлилий медиа маркази Facebook саҳифасига асосланиб хабар беради.

2019 йилнинг июн ойида «Ўзбекистон темир йўллари» AЖ Испаниянинг Patentes Talgo S.L.U компанияси билан Talgo-250 серияли иккита тезюрар электропоезд сотиб олиш учун шартнома имзолаган эди.

Келишувларга кўра, бу йил октябр ойигача «Ўзбекистон темир йўллари» AЖ локомотив паркига иккита тезюрар «Aфросиёб» электропоезди етказилиши керак эди. Испаниянинг Patentes Talgo S.L.U компанияси ўз навбатида, ўз мажбуриятларини тўлиқ ва ўз вақтида бажарди.

Таъкидлаш жоизки, ушбу ҳаракатланувчи таркиб кетма-кет олтинчиси бўлиб, инвестиция лойиҳаси доирасида сотиб олинди. Инвестиция лойиҳасига кўра, иккита поезддан ташқари, испан компанияси тўртта захира эконом-классли вагонлар, шунингдек, поездларга техник хизмат кўрсатиш учун ускуналар етказиб беради. Шартнома Испания компанияларини корпоратив халқаролаштириш жамғармаси (FIEM) кредити ҳисобидан молиялаштирилади.