Ўзбекистонга Қозоғистон автомобилларини етказиб бериш учун квота ажратиш масаласи муҳокама қилинди

27 Сентябрь, 23:05
Ўзбекистонга Қозоғистон автомобилларини етказиб бериш учун квота ажратиш масаласи муҳокама қилинди

ASTANA. Кazinform – Қозоғистон ва Ўзбекистон Ҳукуматлари Қозоғистонда ишлаб чиқарилган автомобилларни Ўзбекистонга етказиб бериш учун квоталар ажратиш, Қозоғистон унини транзит қилиш учун Ўзбекистон томонидан Афғонистонга чегирмалар бериш имкониятини кўриб чиқди, деб хабар беради Кazinform.

Primeminister.kz сайти хабар беришича, Бош вазир ўринбосари – Савдо ва интеграция вазири Серик Жуманғарин Ўзбекистон Бош вазири ўринбосари – Инвестициялар ва Ташқи савдо вазири Жамшид Хўжаев билан учрашди.

Томонлар мева-сабзавот маҳсулотларини форвард харид қилиш механизмларини яратиш, Қозоғистонда ишлаб чиқарилган автомобилларни Ўзбекистонга етказиб бериш учун квоталар ажратиш, Ўзбекистон томонидан Қозоғистон унини Афғонистонга транзит қилишда чегирмалар бериш имкониятлари, шунингдек, экспорт ҳажмини ошириш, ҳаво парвозларининг частотаси ва ҳамкорликнинг бошқа кўплаб йўналишларини муҳокама қилдилар.

Икки томонлама учрашувда «Марказий Осиё» халқаро саноат кооперацияси марказини ташкил этиш лойиҳасига алоҳида эътибор қаратилди. Томонлар лойиҳани амалга оширишни бошлаш учун ҳуқуқий базани шакллантириш жараёнини йил охиригача якунлашга келишиб олдилар. Ҳозирда потенциал қозоғистонлик инвестор халқаро саноат кооперацияси маркази лойиҳасида бошқарувчи компания сифатида иштирок этиш ва уни ўз маблағи ҳисобидан амалга оширишга фаол қизиқиш билдирмоқда.

Эслатиб ўтамиз, «Марказий Осиё» халқаро саноат кооперацияси марказини яратиш лойиҳаси Қозоғистон Республикаси ва Ўзбекистон Республикаси ўртасидаги товар айирбошлаш ҳажмини 10 млрд долларга яқин 5 йил ичида етказади. Лойиҳа узоқ муддатли. «Марказий Осиё» халқаро саноат кооперацияси марказини ташкил этиш бўйича қўшма чора-тадбирлар режасига кўра, у 3 та асосий босқич ва 20 та аниқ ҳаракатни ўз ичига олади.

Ўзбекистон Қозоғистоннинг Марказий Осиё минтақасидаги асосий савдо шериги ҳисобланади. 7 ой якунларига кўра, ўзаро товар айирбошлаш 26,3 фоизга ўсди.

Янгиликлар