Ўзбекистондан Қозоғистонга 101 миллион тангалик тиббий гуманитар юклар келтирилди
Гуманитар юк аслида Туркистон шаҳрига шу йил 8 июнь куни етказиб берилган. Ўша пайтда Алмати ва Туркистонда карантин чоралари жорий этилгани сабабли, давлат идоралари ва корхоналарнинг фаолияти чекланган эди. Юкларни етказиб берган компаниянинг ҳужжатларида унинг гуманитар юк эканлигини ва тижорат мақсадларида ишлатилмаслигини тасдиқлайдиган сертификат бўлмаган.
«Ҳудудда коронавирус инфекциясининг тарқалишида тиббий асбобларга талаб юқори бўлганлиги сабабли, Тадбиркорлар палатаси, Туркистон вилояти соғлиқни сақлаш ва божхона хизмати бошқармаси вакиллари билан музокаралар ўтказди. Фавқулодда ёрдам натижасида гуманитар юкларни расмийлаштириш бўйича барча чоралар зудлик билан бажарилди», - дейди вилоят тадбиркорлар палатасининг тадбиркорларнинг ҳуқуқларини ҳимоя қилиш ва маъмурий тўсиқларни камайтириш департаменти мутахассиси Нурсултон Каримбаев.
«AIBI-AI» МЧЖ томонидан етказиб берилган гуманитар ёрдам юкларида 440 та касалхона каровати, 150 мингта тиббий ниқоб, 150 мингта бир марта ишлатиладиган қўлқоп, 2500 та ҳимоя костюми ва 1000 та термометр бўлган.