Ўзбекистонда вояга етган аҳолининг ярмидан кўпи вакцинанинг биринчи компоненти билан эмланди

TASHKENT. Kazinform - Ўзбекистонда 18 ёшдан ошган аҳолининг ярмидан кўпи коронавирусга қарши вакцинанинг биринчи компоненти билан эмланган, деб хабар беради Kazinform мухбири.

Ўзбекистон Республикаси Соғлиқни сақлаш вазирлиги маълумотларига кўра, мамлакатда 18 ёшдан ошган 21,44 миллион одам (жами аҳоли сони 34,5 миллиондан ортиқ) эмланиши керак.

Препаратнинг биринчи компоненти билан 11,5 миллион киши эмланган (53,6 фоиз).

4,6 миллион ўзбекистонлик (21,2 фоиз) тўлиқ эмланган.

Вилоятлар орасида Фарғона, Aндижон ва Наманган вилоятлари етакчилик қилмоқда. Бу ерда 2 миллиондан ортиқ одам вакцинанинг биринчи компоненти билан эмланган.

Эслатиб ўтамиз, Ўзбекистонда эмлаш кампанияси 1 апрелдан бошланган.

Эмлаш бешта дори воситасида амалга оширилади: AstraZeneca, ZF-UZ-VAC2001, «Спутник-V», Moderna ва Pfizer.

3 августда мамлакатда меҳнатга лаёқатли аҳолини мажбурий эмлашнинг ҳуқуқий асосини белгиловчи қонун қабул қилинди.

29 сентябр куни Ўзбекистонда 12 ёшдан ошган болаларга Pfizer вакцинасини ўз ихтиёри билан олишга рухсат берилди.

Муаллиф: Мадибек Жанибеков