Ўзбекистонда сентябрь ойида энг кўп қайси автомобиль ишлаб чиқарилган
12:34, 21 Октябр 2021
TASHKENT. Kazinform – Ўзбекистонда сентябрь ойида энг кўп қайси автомобиль ишлаб чиқарилгани маълум қилинди. Бу ҳақда Kazinform ЎР Давлат статистика қўмитасига таяниб хабар беради.
Ўзбекистон Давлат статистика қўмитаси маълумотларига кўра, 2021 йилнинг сентябрь ойида энг кўп ишлаб чиқарилган автомобиль «Cobalt» бўлган. Ўтган ойда ушбу машинадан 6649 дона ишлаб чиқарилган. «Damas» ҳамда «Lacetti-Gentra» автомобиллари мос равишда 3811 ва 4804 донани ташкил этган.
Ундан кейинги ўринда 2199 дона ишлаб чиқарилган «Labo» автомобили, кейин эса 1860 дона ишлаб чиқарилган «Nexia T-250» автомобили қайд этилган. Келтирилишича, сентябрь ойида энг кам ишлаб чиқарилган автомобиль 412 дона билан «Spark» бўлган.