Ўзбекистонда президентнинг ваколат муддати 5 йилдан 7 йилга узайтирилиши мумкин

None
None
TASHKENT. Kazinform – Ўзбекистонда конституцияга ўзгартиш ва қўшимчалар киритиш тўғрисидаги қонун лойиҳаси референдумга қўйилади. Қонун лойиҳаси «Халқ сўзи» газетасида чоп этилди, деб хабар беради Kazinform.

Мамлакатнинг асосий нашри бўлмиш «Халқ сўзи» газетасининг 2022 йил 25 июнда чоп этилган №133 сонида «Ўзбекистон Республикасининг Конституциясига ўзгартиш ва қўшимчалар киритиш тўғрисида»ги Ўзбекистон Республикаси Конституциявий қонуни лойиҳаси жамоатчилик муҳокамасига қўйилди.

Қонун лойиҳасида, жумладан, амалдаги конституциянинг 90-моддасида белгиланган президентнинг ваколат муддатини 5 йилдан 7 йилга узайтириш кўзда тутилган.

«90-модданинг иккинчи қисмидаги «беш» деган сўз «етти» деган сўз билан алмаштирилсин», - дейилади ҳужжатда.

Амалдаги конституция жами 128 та моддадан иборат. Референдумга қўйилган қонун лойиҳасига кўра, шундан 64 тасига ўзгартиш ва қўшимчалар киритилади, бундан ташқари 6 та янги модда қўшилади.

Сурат: ЎзА

Сўнгги хабарлар