Ўзбекистонда оилавий бахт кўрсаткичи ишлаб чиқилмоқда

TASHKENT. Kazinform – Ўзбекистон «Оила ва хотин-қизлар» илмий-тадқиқот институти мутахассислари халқаро тажриба асосида оилавий бахтнинг ички кўрсаткичини ишлаб чиқишга киришдилар. Бу ҳақда Ахборот ва оммавий коммуникациялар агентлигида бўлиб ўтган брифингда институт матбуот хизмати раҳбари Манижа Баҳриева маълум қилди, дея хабар беради Kazinform мухбири.

«Айни пайтда ишчи гуруҳ Буюк Британия, Франция, Хитой, Бутан, Индонезия ва Малайзиядаги бундай индексларни таҳлил қилиб бўлди. Таҳлил ва изланишлар натижасида оилавий бахт кўрсаткичлари аниқланди. Шу билан бирга, ўзбек миллатининг феъл-атвори ва турмуш даражасидан келиб чиққан ҳолда субъектив ва объектив бахт кўрсаткичлари ҳам ҳисобга олинди», - деди Манижа Баҳриева.

Унинг сўзларига кўра, оилавий бахт кўрсаткичлари объектив ва субъектив бўлинади. Биринчиси статистикани, иккинчиси эса социологик сўровларни ўз ичига олади. Тадқиқотчилар асосий эътиборни ижтимоий сўровларга қаратмоқчи. Индекс сўровномалар ёрдамида олинадиган кўрсаткичлар асосида ҳисобланади. Аввалроқ индексни тажриба ҳисоб-китоби доирасида Ўзбекистоннинг Фарғона вилоятида сўровлар экспериментал тарзда ўтказилган эди.

«Янги кўрсаткич ёрдамида улар Ўзбекистон халқининг бахтиёрлик даражасини аниқлаб беради, бу эса ҳокимиятнинг оилада фаровонликни сақлашга қандай ёрдам бериши мумкинлигини аниқлашга ёрдам беради», - деди спикер.

Муаллиф: Мадибек Жанибеков

Foto: dumsk.com