+7 (701) 759 90 19
USD 425.37 EUR 492.66
RUB 5.97 CNY 66.15
Янгиликлар

Ўзбекистонда маъмурий ҳуқуқбузарликка оид ишлар электрон тарзда юритилади

16 Июль 11:05
Баҳам кўринг:
Ўзбекистонда маъмурий ҳуқуқбузарликка оид ишлар электрон тарзда юритилади

TASHKENT. Kazinform - «Маъмурий ҳуқуқбузарликлар тўғрисидаги ишларни юритишнинг электрон тизимини жорий этиш бўйича қўшимча чора-тадбирлар тўғрисида»ги Ўзбекистон Ҳукуматининг 431-сонли қарори қабул қилинди6 деб хабар беради Kazinform huquqvaaxborotlar Telegram-каналига таяниб.

Ўхшаш янгиликлар
Ўзбекистонда қайси ёшдагилар коронавирусни энг кўп юқтирмоқда Ўзбекистон фуқароси Павлодар вилоятида ноқонуний тадбиркорлик билан шуғулланган Бугун Ўзбекистонга яна Pfizer/BioNTech вакцинаси олиб келинди

Мазкур қарор билан Маъмурий ҳуқуқбузарлик тўғрисида ягона электрон иш юритув тизими («E-ma’muriy ish» тизими) орқали маъмурий ҳуқуқбузарликка оид ишларни юритиш тартиби бўйича низом тасдиқланди.

Унга кўра, маъмурий жавобгарликка тортилган шахслар тўғрисидаги маълумотларни ваколатли органлар томонидан текшириш, зарур маълумотларни олиш ҳамда улардан фойдаланиш «E-ma’muriy ish» тизими орқали амалга оширилади.

Ўзбекистон Ички ишлар вазирлиги «E-ma’muriy ish» тизимини ташкил этиш, унинг сифатли ва узлуксиз фаолият кўрсатишини таъминлаш бўйича масъул орган этиб белгиланди.

Маъмурий ҳуқуқбузарлик содир этган шахсларга ҳамда процесснинг бошқа иштирокчиларига (жабрланувчи, гувоҳ, холислар ва бошқа иштирокчиларга) ишни кўриб чиқиш вақти ва жойи ҳақида электрон хабарнома юбориш механизми ишлаб чиқилади.

2021 йил 1 сентябргача суд қарори билан ёки бошқа сабабларга кўра бекор қилинган маъмурий жарималарни ёки камайтирилган жариманинг фарқи суммасини автоматлаштирилган тарзда фуқароларга қайтариш механизми яратилади.

Низомга кўра, қуйидагилар маъмурий ишларни юритишда ҳисобга олиш электрон ҳужжатлари ҳисобланади:

маъмурий баённома;

маъмурий жазо қўллаш тўғрисидаги қарор.

Маъмурий жазо қўллаш тўғрисидаги қарор «E-ma’muriy ish» тизими орқали электрон ҳужжат шаклида чиқарилади ҳамда ижро этиш учун ҳуқуқбузарга етказиб берилади.

Ҳуқуқбузар унга маъмурий жазо қўллаш тўғрисидаги қарор топширилган кундан бошлаб 15 кун ичида жарима миқдорининг 70 фоизини ихтиёрий равишда тўлаган тақдирда, жариманинг қолган қисмини тўлашдан озод этилади.

Шунингдек, автомототранспортларни жарима майдончаларига қўйиш ҳамда чиқариш суд ёки ваколатли органларнинг тегишли қарори асосида «E-ma’muriy ish» тизимидан фойдаланган ҳолда амалга оширилади.

Агар маъмурий жазо қўллаш тўғрисидаги қарор чиқарилган кундан бошлаб 3 ой давомида ижро этишга қаратилмаган бўлса, бундай қарор ижро этилмайди.

Маъмурий ишларни юритишда қонунларнинг ижроси устидан прокурор назорати «E-ma’muriy ish» тизими орқали амалга оширилиши мумкин.


Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар

Архив