Ўзбекистонда кўп квартирали уй-жойлар зилзилабардошлик бўйича хатловдан ўтказилади

TASHKENT. Kazinform – Ўзбекистон Фанлар академияси, илмий тадқиқот институтлари, масъул вазирликлар мутасаддилари иштирокида кўп квартирали уй-жойларни сейсмик хатловдан ўтказиш кераклиги маълум қилинди. Бу ҳақда Kazinform Rasmiy_xabarlar Telegram-каналига таяниб хабар беради.

Хатлов натижасига кўра эксплуатация муддатини ўтаб бўлган сейсмик заиф ва авария аломатлари аниқланган кўп квартирали уй-жойлар ўрнида босқичма-босқич янги уй-жойлар қуриш бўйича таклифлар маҳаллий давлат ҳокимияти органларига киритиб борилади.

Бунда, сейсмик заиф уй-жойларни таъмирлаш ёки янгисини қуриш, уй-жойларда яшаётган ахолининг тўла хақ-хуқуқини таъминлаган ҳолда амалга оширилиши шартлиги таъкидланди.

Маълум қилинишича, Ўзбекистоннинг 78 % ер майдони сейсмик фаол ҳудудларда жойлашган бўлиб, MSK-64 шкаласи бўйича 6 ва ундан юқори баллик ер силкинишлари доимий равишда содир бўлиши кузатилади.

Фото: Kazinform