Ўзбекистонда газ тўлдириш шохобчалари фаолияти вақтинча тўхтатилди
13:29, 26 Январ 2022
TASHKENT. Kazinform – Ўзбекистондаги автомобилларга газ тўлдириш шохобчалари фаолиятига вақтинчалик чекловлар ўрнатилади, деб хабар беради Kazinform ЎзАга таяниб.
Бу ҳақда ЎР Энергетика вазирлиги ахборот хизмати хабар берди.
Қайд этилишича, жорий йил 26 январдан автомобилларга газ тўлдириш компрессор станциялари фаолиятига вақтинчалик чекловлар киритилади. Шу билан бирга, юридик истеъмолчиларга ҳам табиий газ етказиб бериш тўхтатилади.
Ишлаб чиқарилаётган табиий газ тўлиқ ҳажмда ИЭС, ижтимоий соҳа объектлари ва аҳоли истеъмолчиларига йўналтирилади.