Ўзбекистонда фуқаролик қуроллари ва ўқ-дориларини ҳадя қилиш тақиқланди
Агентлик хабарига кўра, Ўзбекистон Президенти томонидан 31 май куни имзоланган қонун билан бир қатор қонун ҳужжатларига ўзгартишлар киритилган.
Маъмурий жавобгарлик тўғрисидаги кодексга киритилган ўзгартишларга кўра, асосий тирикчилик манбаи овчилик бўлган шахсларга нисбатан ўқотар қурол, пневматик милтиқ ва ўқ-дориларни мусодара қилиш ёки пуллик асосда олиб қўйиш мумкин эмас.
Ов ва балиқ овлаш, шунингдек, ҳайвонот дунёсидан бошқа фойдаланиш қоидаларини бузганлик учун маъмурий жавобгарлик кучайтирилди.
Шу билан бирга, «Қурол тўғрисида»ги қонунга киритилган ўзгартиришлар Ўзбекистон ҳудудида фуқаролик қуроли ва ўқ-дориларини ҳадя қилишни тақиқлайди.
Фуқаролар ва махсус хизматларга эга юридик шахсларнинг ходимлари қуролга эга бўлишга қарши кўрсатма йўқлиги учун даврий тиббий кўрикдан ўтказилади.