Ўзбекистонда электр таъминоти 70 фоизга тикланди

TASHKENT. Kazinform – Чоршанба куни соат 03:50 ҳолатига кўра Ўзбекистонда электр таъминоти 70 фоизга тикланди, деб хабар беради Kazinform ЎР Энергетика вазирлиги матбуот хизматига таяниб.

«Аввало, аҳоли ва ижтимоий соҳа объектлари электр энергияси билан таъминланди», - дейилади хабарда.

Тошкент шаҳри ва айрим вилоятларда электр таъминоти тўлиқ тикланди. Бироқ, фавқулодда вазият трансформатор станциялари ва подстанцияларда муаммо туғдириши мумкин эди, шунинг учун ҳам баъзи объектлар электр энергиясига уланмаган. Маҳаллий муаммоларни бартараф этиш жойларга чиқадиган махсус гуруҳлар томонидан амалга оширилади.

Пойтахтнинг кўплаб туманларида ҳамон сув таъминоти ва иссиқлик таъминоти йўқ. Тошкент шаҳрида 12 та марказий қозонхонанинг барчаси қайта ишлай бошлади. 202 та маҳаллий қозонхонадан 175 таси қайта ишга туширилди. Мамлакат бўйича Уй-жой коммунал хизмат кўрсатиш вазирлиги тизимидаги 500 та қозонхонадан 364 таси ишга туширилди.

Кабар агентлиги хабарига кўра, соат 22:12 да Ўзбекистон президенти матбуот котиби Шерзод Асадов вазият давлат раҳбарининг шахсан назоратида эканлигини маълум қилган.

Тегишли ташкилотлар томонидан барча чоралар кўрилаётганини таъкидлади. Шунингдек, у ҳуқуқ-тартибот идоралари кучайтирилган иш режимига ўтганини айтди. Жамоат хавфсизлигини, йўлларда тартибни, фуқароларнинг шахсий мулкини муҳофаза қилишни таъминлашга ички ишлар органларининг деярли бутун шахсий таркиби жалб этилди.

Бундан ташқари, тиббиёт муассасалари, жумладан, коронавирусга қарши кураш марказлари муқобил электр энергияси манбаларига уланди. Хулоса ўрнида у барча эҳтиёт чораларига риоя қилишни, хусусан, аввалроқ Фавқулодда вазиятлар вазирлиги ходимлари томонидан эълон қилинган чора-тадбирларга риоя қилишни маслаҳат берди.