15:30, 06 Декабр 2022 | GMT +6
Ўзбекистонда аҳоли жон бошига ЯИМнинг ўсиши секинлашди
TASHKENT. Kazinform – Ўзбекистон Давлат статистика қўмитаси маълумотларига кўра, 2022 йилнинг январ-сентябр ойларида аҳоли жон бошига ҳисобланган ялпи ички маҳсулот 3,6 % га ўсди. Бу ҳақда Kazinform қўмитанинг расмий Telegram-каналига таяниб хабар беради.
Маълум қилинишича, мазкур кўрсаткич 2021 йилнинг мос даврида 5,3 % га ўсган эди. Таққослаш учун, жорий йилда аҳоли жон бошига ЯИМнинг ўсиши ўтган йилнинг мос дарига нисбатан 1,7 % га секинлашган.
Давлат статистика қўмитаси маълумотларига кўра, йиллар кесимида аҳоли жон бошига ЯИМнинг ўсиш (камайиш) суръатлари:
— 2018 йил январь-сентябрь – 3,8 %
— 2019 йил январь-сентябрь – 3,7 %
— 2020 йил январь-сентябрь – -1,4 %
— 2021 йил январь-сентябрь – 5,3 %
— 2022 йил январь-сентябрь – 3,6 %