Ўзбекистонда 30 мингдан ортиқ кўп қаватли уйлар базальт қопламаси билан изоляция қилинади

ТASHKENT. Кazinform - Ўзбекистон ҳукумати 31 мингта кўп қаватли уйни базальт қопламали изоляциялаш ва муқобил энергия манбаларига ўтказиш ниятида, деб хабар беради Кazinform мухбири Ўзбекистон Бош вазири матбуот хизматига таяниб.

Аномал совуқ шароитида энергия ресурслари билан таъминлаш масалаларига бағишланган Ҳукумат йиғилишида таъкидланганидек, бугунги кунда республикада 40 минг кўп қаватли уй бор, шундан 31 мингга яқини 1991 йилгача қурилган.

Ўзбекистон Бош вазири Абдулла Арипов уй-жой фондининг энергия самарадорлигини ошириш мақсадида Қурилиш ва уй-жой коммунал хизмат кўрсатиш вазирлигига ҳокимликлар билан биргаликда мазкур уйларнинг фасадларини босқичма-босқич базальт изоляцияси билан қоплаш, шунингдек, муқобил энергия манбаларидан фойдаланган ҳолда уларни иссиқ сув ва электр энергияси билан таъминлаш дастурини ишлаб чиқди.

Қурилиш вазирлиги энергия самарадорлиги юқори бўлган материаллардан мажбурий фойдаланиш бўйича талабни жорий этиши керак. Янги кўп қаватли уйлар ва ижтимоий соҳа объектларини қуриш учун лойиҳа-смета ҳужжатларини ишлаб чиқишда талабга риоя қилиш зарур.

Абдулла Арипов энергия тежамкор қурилиш материаллари ишлаб чиқаришни кўпайтириш зарурлигини таъкидлади. Шу муносабат билан «Ўзсаноатқурилишбанк» ва «Ўзқурилишматериаллари» уюшмасига базальт хомашёси ишлаб чиқаришни кўпайтириш бўйича алоҳида дастур ишлаб чиқиш ва йил охиригача ушбу маҳсулотдан камида 5 минг тонна ишлаб чиқариш қувватларини ишга тушириш топширилди.

Муаллиф: Мадибек Жанибеков