Ўзбекистонда 2023 йилда Орол денгизининг қуриган тубида 100 минг гектар ўрмон экилади
Ўзбекистон Фавқулодда вазиятлар вазирлигининг маълум қилишича, қуриган сув омборидан зарарли тузлар ва чанглар чиқишининг олдини олувчи қуриган денгиз тубида чўл ўсимликларини етиштиришнинг навбатдаги мавсуми бошланди. Ишга самолётлар, дельтпланлар, юзлаб қишлоқ хўжалиги техникаси жалб этилган. Ўрмонлар барпо этишда минглаб мутахассислар жалб этилган.
Орол денгизи тубига ўсимликлар экиш дастури Ўзбекистон Президенти Шавкат Мирзиёев ташаббуси билан 2018 йилда бошланган эди. Ўтган даврда Фавқулодда вазиятлар вазирлиги ва мамлакат ўрмон хўжалиги корхоналари томонидан Орол денгизининг қуриб қолган қисмида саксовул, юлғун ва бошқа чўл ўсимликларидан 1 миллион 620 минг гектар ўрмон барпо этилди.
«2023 йил давомида Оролқумда яна 100 минг гектар ўрмон плантацияларини барпо этиш режалаштирилган», — дейилади Ўзбекистон Фавқулодда вазиятлар вазирлиги хабарида.
Фото: fvv.uz
Муаллиф: Мадибек Жанибеков