Ўзбекистонда 1 апрелдан маҳаллий ишлаб чиқарилган барча техникалар хариди учун 15 фоиз субсидия берилади

TASHKENT. Kazinform – Ўзбекистон Республикаси Президенти раислигида ўтказилган йиғилишда бугунги кунда кластер, фермер ва деҳқонларда 11 мингга яқин техника ва агрегатларга талаб мавжудлиги қайд этилди. Бу ҳақда Kazinform Президент матбуот котиби Telegram-каналига таяниб хабар беради.

«Шу боис, 1 апрелдан:

– маҳаллий ишлаб чиқарилган барча техникалар хариди учун 15 фоиз субсидия берилади (ҳозир фақат Чирчиқ кластерида ишлаб чиқарилган техникаларга татбиқ этилади);

– импорт қилинган техникалар уч йил муддатга божхона божи ва утилизация йиғимидан озод қилинади, улар бўйича қўшилган қиймат солиғини кечиктириб (9 ой давомида) тўлашга рухсат берилади (ушбу имтиёзлар ҳозир фақат пахтачилик ва чорвачилик техникаларида бор);

– техника хариди учун 10 йил муддатга 10 фоизлик кредитлар ажратилади», - дейилади Президет матбуот котиби Telegram-каналида.

Эслатиб ўтамиз, Ўзбекистон январь-февраль ойларида хориждан 14 та самолёт сотиб олгани ҳақида хабар берган эдик.

Фото: https://t.me/Press_Secretary_Uz/3004