Ўзбекистон ва Хитой коронавирусга қарши иккинчи авлод вакцинасини синовдан ўтказишни бошлади

TASHKENT. Кazinform - Ўзбекистон ва Хитойда Омикрон-Дельта штаммига қарши янги рекомбинант оқсил вакцинасининг халқаро клиник синовлари бошланди, деб хабар беради Кazinform мухбири Ўзбекистон Республикаси Инновацион ривожланиш вазирлигига таяниб.

Икки мамлакат олимлари янги иккинчи авлод оқсилли вакцинанинг CОVID-19 пандемиясидан самарали ва мустаҳкам ҳимоя қилишини кутишмоқда.

«Биз Ўзбекистон ва Хитой ўртасидаги иккинчи авлод ваксиналари бўйича ҳамкорлик муваффақиятли якунланишига ва Ўзбекистон ва бошқа давлатлар учун янги имкониятлар очишига ишонамиз. Биз Ўзбекистонда иккинчи авлод вакцинасини синовдан ўтказишни бошлаш учун Этика қўмитасидан рухсат олдик ва бугун сизлар билан биргаликда тадқиқот ва клиник синовларни бошлаяпмиз», — деди Инновациялар вазирлиги раҳбари Иброҳим Абдураҳмонов.

Хитой Фанлар академияси академиги Гао Фу Хитой ва Ўзбекистон аввалроқ ZF-UZ-VAC-2001 коронавирусга қарши вакцинанинг биринчи авлодини муваффақиятли ишлаб чиққанини таъкидлади. Натижада бу вакцинанинг 300 миллиондан ортиқ дозаси бутун дунёда қўлланилиб, глобал эпидемияга қарши курашга катта ҳисса қўшди.

«Вирус прототипига асосланган биринчи авлод вакцина билан солиштирганда, янги вакцина кенгроқ ва кучлироқ иммунитетни келтириб чиқаради, Омикроннинг ҳозирги кенг тарқалган субвариантларини қамраб олади ва коронавирус пандемиясига қарши курашга муҳим ҳисса қўшади», - деди хитойлик олим.

Муаллиф: Мадибек Жанибеков