Ўзбекистон ва Газпром ўртасидаги келишув тафсилотлари маълум бўлди

ASTANA. Kazinform - Ўзбекистон Энергетика вазирлиги Ўзбекистон ва «Газпром» ўртасидаги келишув тафсилотларини тушунтирди, деб хабар бермоқда Kazinform мухбири.

Ўзбекистон Энергетика вазирлиги хабарига кўра, имзоланган «Йўл харитаси» дастурига мувофиқ томонлар Қозоғистон ва Ўзбекистон ҳудудидан ўтувчи «Марказий Осиё – Марказ» газ қувури орқали газ транзитини амалга ошириш бўйича техник чора-тадбирлар тўғрисида келишиб олдилар.

Техник ишлар якунлангач, табиий газ таъминотининг асосий шартлари муҳокама қилинади.

Таъкидлаш жоизки, «Музокаралар» ва «Йўл харитаси» Ўзбекистон Республикасининг мавжуд газ транспорти тизимига эгалик ҳуқуқини тўлиқ сақлаб қолган ҳолда табиий газни ички бозорга зарур миқдорда етказиб беришга қаратилган. Бунда на газ ташиш тизимига, на мамлакатимиз суверенитетига хавф туғдирмайди», — дейилади Ўзбекистон Энергетика вазирлиги хабарида.

Агентлик келгусида бу борадаги барча ишлар Ўзбекистоннинг миллий манфаатлари тўлиқ ҳимояланган ҳолда амалга оширилиши ва унинг натижалари мунтазам равишда кенг жамоатчиликка тақдим этилишини маълум қилди.

Аввал хабар берганимиздек, 24 январ куни Ўзбекистон ва «Газпром» ўртасида газ соҳасида ҳамкорлик бўйича «Йўл харитаси» имзоланган эди.

Муаллиф: Мадибек Жанибеков