Ўзбекистон сунъий ўпка вентиляцияси аппаратини ишлаб чиқаради

TASHKENT. Kazinform – Ўзбекистонда сунъий ўпка вентиляцияси аппаратини ишлаб чиқариш йўлга қўйилади, дея хабар беради Kazinform мухбири.

Ўзбекистон Республикаси Инновацион ривожланиш вазирлигидан маълум қилишларича, «Chirana» (Словакия) компанияси ҳамда россиялик ҳамкорлар билан биргаликда сунъий ўпка вентиляцияси аппаратлари ва наркоз-нафас олиш аппаратлари ишлаб чиқариш бўйича технологиялар трансфери амалга оширилмоқда.

Вентиляторларни ишлаб чиқариш шу йилнинг май ойида бошланади.

Маҳаллийлаштиришнинг биринчи босқичида хорижий шериклар 3 миллион АҚШ доллари миқдорида инвестиция киритишни режалаштирмоқда. Иккинчи босқичда 5-6 миллион долларгача сармоя киритиш кўзда тутилган.

Келгусида маҳсулотларни Тожикистон, Туркманистон, Қирғизистон ва Афғонистонга сотиш режалаштирилмоқда.

Муаллиф: Мирас Қуандиқов