08:44, 05 Октябр 2022 | GMT +6
Ўзбекистон 8 ойда Қозоғистондан 325 тонна музқаймоқ импорт қилган
TASHKENT. Kazinform – ЎР Давлат статистика қўмитаси маълумотларига кўра, 2022 йилнинг январь-август ойларида Ўзбекистон хорижий давлатлардан қиймати 4,5 млн. АҚШ долларига тенг бўлган 1,0 минг тонна музқаймоқ ва музқаймоқ маҳсулотларини импорт қилган, деб хабар беради Kazinform қўмитанинг расмий Telegram-каналига таяниб.
Музқаймоқ ва музқаймоқ маҳсулотлари импорти ўтган йилнинг мос даври билан солиштирилганда 294,2 тоннага ошган.
Ўтган 8 ой мобайнида импорт қилинган музқаймоқ ва музқаймоқ маҳсулотларинининг энг катта улушига эга бўлган давлатлар:
Россия – 605 тонна;
Қозоғистон – 325 тонна;
Франция – 33,5 тонна;
Литва – 28,6 тонна;
Белорусь – 27,4 тонна;
Италия – 0,2 тонна;
Нидерландия – 0,1 тонна.