Ўзбекистон 8 ойда Қозоғистондан 11,6 минг тонна гўшт импорт қилган

TASHKENT. Kazinform – ЎР Давлат статистика қўмитаси маълумотларига кўра, 2022 йилнинг январь-август ойларида Ўзбекистонга 9 та давлатдан қиймати 141,9 млн. АҚШ долларига тенг бўлган 32,8 минг тонна қорамол гўшти импорт қилинган, деб хабар беради Kazinform ЎР Давлат статистика қўмитаси Telegram-каналига таяниб.

Қорамол гўшти импорти ўтган йилнинг мос даври билан солиштирилганда 13,8 минг тоннага ошган.

2022 йилнинг 8 ойида Ўзбекистон энг кўп қорамол гўштини импорт қилган давлатлар:

Беларусь – 17,1 минг тонна;

Қозоғистон – 11,6 минг тонна;

Бразилия – 1,4 минг тонна;

Ҳиндистон – 967 тонна;

Россия – 791 тонна.