10:54, 17 Сентябр 2021 | GMT +6
Ўзбекистон 8 ойда 33 та давлатдан болалар ўйинчоқларини импорт қилган
TASHKENT. Kazinform – Ўзбекистон Давлат статистика қўмитаси маълумотларига кўра, Ўзбекистон 2021 йилнинг январь-август ойларида 33 та хорижий давлатдан қиймати 9,4 млн АҚШ долларига тенг бўлган болалар ўйинчоқларини импорт қилган. Бу ҳақда Kazinform қўмитанинг расмий Telegram-каналига таяниб хабар бермоқда.
Болалар ўйинчоқлари импорти ўтган йилнинг мос даври билан солиштирилганда 3,8 млн АҚШ долларига ошган.
2021 йилнинг 8 ойида Ўзбекистон болалар ўйинчоқларини энг кўп импорт қилган давлатлар:
Хитой – 8,3 млн;
Тожикистон – 516,9 минг;
Россия – 193,3 минг;
Эстония – 87,0 минг;
Корея – 72,8 минг;
Франция – 31,5 минг;
Туркия – 29,2 минг;
Буюк Британия – 26,7 минг АҚШ доллари.