+7 (701) 759 90 19
USD 425.73 EUR 498.32
RUB 5.8 CNY 65.85
Янгиликлар

Загребда Қозоғистон мустақиллигининг 30 йиллиги ва Нур-Султан куни нишонланди

25 Июнь 14:11
Баҳам кўринг:
Загребда Қозоғистон мустақиллигининг 30 йиллиги ва Нур-Султан куни нишонланди

NUR-SULTAN. Kazinform - Загребда таниқли жамоат арбоблари, Хорватия Таълим ва фан вазирлиги, Хорватия-Қозоғистон дўстлик жамияти, дипломатик корпус ва журналистлар иштирокида Қозоғистон мустақиллигининг 30 йиллиги ва пойтахт кунига бағишланган давра суҳбати бўлиб ўтди.

Ўхшаш янгиликлар
Теннис бўйича Astana Оpen халқаро турнири жонли эфирда  намойиш этилади Туркиянинг TRT телеканали Нур-Султан шаҳри ҳақида кўрсатув тайёрламоқда

Бу ҳақда Kazinform Қозоғистон Ташқи ишлар вазирлиги матбуот хизматига асосланиб хабар бермоқда.

Элчи Тўлежан Барлибаев сўнгги уч ўн йилликда Қозоғистоннинг давлат қурилишидаги тарихий ютуғи, кўп қиррали бозор иқтисодиётини яратиш, ижтимоий тотувлик ва миллий бирликнинг ўзига хос моделини шакллантиришнинг асосий босқичларини гапириб берди.

Қозоғистон Республикасининг Биринчи Президенти - Елбасы Нурсултон Назарбоевнинг замонавий Қозоғистонни яратишга қўшган улкан ҳиссаси, шунингдек, давлат ислоҳотлари ва ижтимоий тартибни модернизация қилиш бўйича Қозоғистон Республикаси етакчилик қилаётган йўналишларнинг изчиллиги таъкидланди.

Хорватиянинг собиқ президенти, таниқли жамоат арбоби Иво Йосипович Қозоғистонга ташрифи ҳақида ўзининг илиқ сўзлари билан ўртоқлашди. Унинг сўзларига кўра, мустақилликнинг бошланишидаги энг муҳим стратегик қадам бу Нурсултон Назарбоевнинг Семипалатинск ядро полигонини ёпиш ва ихтиёрий равишда ядро қуролидан воз кечиш тўғрисидаги қароридир.

Унинг таъкидлашича, бу Қозоғистоннинг халқаро обрўсини ва унинг кўп қиррали дипломатия маркази ва нуфузли мулоқот майдони сифатидаги ролини кучайтирди, ЕХҲТ, ИҲТ, ШҲТ, ОҲИЧК ва бошқа халқаро ташкилотлар саммитлари, Суриядаги тўқнашувларни тартибга солиш бўйича музокаралар, жаҳон ва анъанавий динлар лидерлари съездлари ҳамда бошқа форумлар муваффақиятли ўтказилди.

Хорватия-Қозоғистон дўстлик жамияти раиси Андрия Карафилипипович «халқ овозига қулоқ соладиган давлат» концепцияси ва Қозоғистон раҳбариятининг ижтимоий-йўналтирилган сиёсатни ривожлантириш дастурига юқори баҳо берди. Президент Қасим-Жомарт Тоқаевнинг инсон ҳуқуқларини ҳимоя қилиш ва мустаҳкамлаш соҳасидаги новаторлиги Қозоғистонни гуманитар йўналишда минтақавий етакчига айлантиргани таъкидланди. Қозоғистоннинг миллатлараро ва динлараро тотувликни мустаҳкамлаш бўйича муваффақиятли тажрибаси ҳам қайд этилди.

Давра суҳбатида Россия ва Озарбайжон элчилари, Хорватия Таълим ва фан вазирлиги вакиллари, Дўстлик жамияти аъзолари сўзга чиқдилар. Давра суҳбати иштирокчилари Қозоғистоннинг ёш пойтахти қурилиш тарихига бағишланган фотокўргазма билан танишди, шунингдек, уларга Нурсултон Назарбоевнинг хорват тилида нашр этилган «Мустақиллик даври» китоби, Абай асарлари ва ал-Фаробий ижоди ҳақида хорват тилида нашр қилинган монография совға қилинди.


Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив