Валюталар курси:
    usd/kzt 425.48 eur/kzt 494.2

    rub/kzt 6.14 cny/kzt 66.67
Об-ҳаво маълумотлари:
Нур-Султон : 15 °С
Алматы: °С

ЮНЕСКО Aфғонистонда қизларнинг мактабга бормаслигидан хавотирда

20 Сентябрь 11:05

NUR-SULTAN. Kazinform - ЮНЕСКО Бош директори Одрэ Aзуле Толибларнинг мактаб фақат ўғил болалар ва эркак ўқитувчилар учун очиқ бўлиши ҳақидаги эълонидан хавотир билдирди, дея хабар беради Kazinform БМТ ахборот марказига таяниб.

«Aфғонистон келажаги афғон қизлари ва ўғилларининг таълим олиш имкониятларига боғлиқ. Биз Aфғонистоннинг барча тегишли органлари ва вакилларини мактабларнинг очилиши пайтида барча болаларнинг таълим олишига тўсқинликсиз киришларини таъминлашга чақирамиз. ЮНЕСКО раҳбарининг сўзларига кўра, аёл ўқитувчиларни мактабга қайтариш жуда муҳим «, - дейди Одрэ Aзуле.

Мамлакатда ҳокимиятни қўлга олган «Толибон» раҳбарлари БМТ расмийларига бир неча бор қизлар ва аёлларнинг таълим олишига аралашмасликка ваъда беришган. Aммо сўнгги кунларда улар мактаблар фақат ўғил болалар учун очиқ бўлишини эълон қилишди. Қизларнинг қачон мактабга бориши ҳақида ҳеч қандай маълумот йўқ.

ЮНЕСКО вакилининг айтишича, агар қизлар ўз вақтида мактабга бормаса, оқибатлари оғир бўлиши мумкин.

У, шунингдек, афғон болалар ҳуқуқларини ҳимоя қилишини ва уларнинг таълим олиш ҳуқуқи жамоавий масъулият эканлигини айтди.


Новости по теме
Ўхшаш янгиликлар