Юлия Путинцева Абу-Дабида АҚШ чемпионидан устун келди

ASTANA. Kazinform – Қозоғистоннинг иккинчи, дунёнинг 45 ракеткаси Юлия Путинцева Абу-Дабидаги WТА 500 турнирининг иккинчи босқичига чиқди, деб хабар бермоқда Kazinform мухбири.

Саралаш баҳсларидан сўнг асосий тўрга қўшилган Ю.Путинцева биринчи даврада дунёнинг 37 ракеткаси, 2019 йилги US Open турнири чемпиони, канадалик Бьянка Андрееску билан куч синашди.

Биринчи ўйинда рақиблар учтадан брейк алмашди. Тай-брекда қозоғистонлик теннисчи яққол устунликка эга бўлди - 7:6 (7:2).

Юлия иккинчи сетни брейк билан бошлади - 2:0. Кейин яна бир марта брейк билан ҳисобни 4:0 га етказди. Сўнги тўпта ҳам ўз имкониятини қўлдан бой бермади - 6:2.

Бир соату 40 дақиқа давом этган мусобақада қозоғистонлик спортчи 2 та эйс амалга оширди ва 9 та брейк-пойнтнинг бештасини қайд этди. Рақиби эса 3 та эйс, 3 брейк (7 брейк-пойнт) билан якунлади.

Ю.Путинцева чорак финалга чиқиш учун дунёнинг 14 ракеткаси, бразилиялик Беатрис Хаддад Майя билан куч синашади.

Қозоғистоннинг биринчи, жаҳоннинг 10 ракеткаси Елена Рибакинанинг ҳам рақиби аниқ бўлди. Беллашувни иккинчи даврадан бошлайдиган Е.Рибакина рейтингда 20 ўринни эгаллаб турган чехиялик Каролина Плишкова билан учрашади.

Муаллиф: Ғайсағали Сейтақ