Японияга Қозоғистоннинг 13 та ҳудудидан от гўшти экспорт қилинади

NUR-SULTAN. Kazinform – ҚР Қишлоқ хўжалиги вазирлиги қайси мамлакатлар Қозоғистондан гўшт импорт қилиш бўйича келишувларга эга эканлигини маълум қилди, деб хабар беради Kazinform мухбири.

Гўшт маҳсулотлари ва хом гўшт экспорти қуйидаги учинчи мамлакатларга амалга оширилади: Бирлашган Араб Амирликларига қорамол ва қўй гўшти, гўшт маҳсулотлари ва паррандалар экспорти очилди. Шу муносабат билан, БААга қизил гўшт ва парранда гўштини экспорт қилиш ҳуқуқига «Абай» МЧЖ (Павлодар вилояти), «Первомайские деликатесы» МЧЖ ва «Мерке ет комбинаты» МЧЖ (Жамбил вилояти) эга.

Музлатилган ва совутилган қўй гўшти, шунингдек вакуумли қадоқланган музлатилган мол гўшти ва совутилган мол гўшти Эронга жўнатилади.

Бундан ташқари, 2019 йил 14 майда Хитой Халқ Республикаси Божхона бош бошқармаси ўз веб-сайтида Хитойга мол гўшти экспорт қилиш ҳуқуқига эга бўлган 4та Қозоғистон компанияси тўғрисида маълумот берган. Ҳозирги вақтда Қишлоқ хўжалиги вазирлиги Қозоғистоннинг гўштни қайта ишлаш корхоналари рўйхатини кенгайтириш бўйича фаол иш олиб бормоқда.

Бундан ташқари, 4та корхона музлатилган қўй гўштини Хитойга экспорт қилиш ҳуқуқига эга бўлган корхоналар реестрига киритилган.

«Қозоғистон Қишлоқ хўжалиги вазирлигининг Япония Қишлоқ, ўрмон ва балиқ хўжалиги вазирлиги билан биргаликда икки йиллик келишуви якунлари бўйича Қозоғистондан Японияга от сўйиш ва қайта ишлаш жараёнида олинган гўшт, хом гўшт ва ён маҳсулотларни экспорт қилиш учун ветеринария сертификати келишиб олинди ва имзоланди. Япониянинг Қишлоқ, ўрмон ва балиқ хўжалиги вазирлиги 2020 йил 25 майдан бошлаб Қозоғистон Республикасидан Японияга от гўшти экспорти очилиши тўғрисида вазирликга расмий равишда хабар берилди», - дейилади ҚР Қишлоқ хўжалиги вазирлиги баёнотида.

Япония томони билан эришилган келишувлар доирасида вазирлик расмий равишда Япония бозорига от гўштини экспорт қилишни истаган Қозоғистоннинг 34 та гўштни қайта ишлаш корхоналари рўйхатини юборди. Қозоғистон Республикасининг 13 та ҳудуди (Ақмола, Ақтўбе, Алмати, Атирау, Шарқий Қозоғистон, Жамбил, Ғарбий Қозоғистон, Қарағанди, Қостанай, Павлодар вилоятлари ва Алмати ва Чимкент шаҳарлари) корхоналари Японияга от гўшти етказиб беришни режалаштирмоқдалар.

Муаллиф: Руслан Ғаббасов