Японияда зилзила: 100 дан ортиқ одам жароҳат олди

NUR-SULTAN. Kazinform – Японияда шанба куни 7,3 магнитудали зилзила бўлиб, 103 киши жароҳат олди, деб хабар беради Kazinform Япониянинг Kyodo агентлигига таяниб.

Агентлик маълумотларига кўра, аввалроқ зилзила оқибатидан 50 киши жароҳат олгани ҳақида хабар берилган эди. Жароҳат олганларнинг аксарияти Мияги ва Фукусима префектуралари аҳолисидир. Ушбу ҳудудда зилзила бошқа минтақаларга қараганда кўпроқ сезилган. Жароҳат олганларнинг аксарияти зилзила пайтида йиқилган, яраланган ёки майиб бўлган.