Японияда юк кемаси чўкиб кетди
2 Декабрь 11:36

Японияда юк кемаси чўкиб кетди

TOKYO. Kazinform – Находкадан Япониянинг Кинуура портига (Айти марказий префектураси) сузиб кетаётган Панама байроғи остидаги қуруқ юк кемаси Япония денгизида ҳалокатга учради, натижада бир киши бедарак йўқолди, деб хабар берди Kazinform NHK телеканалига таяниб.

Кема бортида 18 нафар экипаж аъзоси бўлган. Уларнинг барчаси Вьетнам фуқаролари. Кўмир ортилган юк кемаси чоршанбага ўтар кечаси Япониянинг Симанэ префектурасидан 380 км узоқликда фавқулодда огоҳлантириш эълон қилди.

Пайшанба куни эрталаб Жанубий Корея қирғоқ қўриқчиси етиб келди. У юк кемаси экипажининг 17 аъзосини топди, уларнинг барчаси қутқариб олинди. Юк кемаси чўкиб кетди.

Бир киши бедарак йўқолган деб тахмин қилинмоқда. Япония қирғоқ қўриқлаш хизмати уни қидирмоқда.

Ўхшаш янгиликлар

Янгиликлар

Архив