+7 (701) 759 90 19
USD 425.37 EUR 492.66
RUB 5.97 CNY 66.15
Янгиликлар

Япония коронавирус туфайли жорий этилган  фавқулодда ҳолатни яна узайтирди

10 Сентябрь 09:30
Баҳам кўринг:
Япония коронавирус туфайли жорий этилган  фавқулодда ҳолатни яна узайтирди

TOKYO. KYODO - Kazinform- Япония ҳукумати пайшанба куни Токиода ва бошқа кўплаб ҳудудларда COVID -19 туфайли жорий этилган фавқулодда ҳолатни узайтириш тўғрисида қарор қабул қилди, дея хабар беради Kazinform Kyodoга асосланиб.

Ўхшаш янгиликлар
Эпидемия хавфининг «қизил» даражаси Украинанинг бешта вилоятида жорий этилди Матрица: Қозоғистонда 2 мегаполис ва 4 ҳудуд «қизил» зонада Япониялик сайёҳлар Бойқўнғирдан космосга учадилар

Якшанба куни Япониянинг 47 та префектурасидан 21 тасини қамраб оладиган фавқулодда ҳолат тугаши керак эди. Бироқ, у 30 сентябргача 19 та префектурада, шу жумладан Хоккайдо, Aйчи, Осака ва Фукуокада ҳам ўз кучида қолади.

Бош вазир Ёсихиде Суганинг айтишича, бутун мамлакат бўйлаб COVID-19 юқтириш ҳолатлари камайган, аммо оғир аломатлари бўлган беморлар ҳали ҳам кўп.

«Биз янги инфекция тўлқинларига тайёр бўлишимиз керак, лекин айни пайтда коронавирус шароитида ижтимоий-иқтисодий соҳада ишлашни давом эттирамиз», - деди у матбуот анжуманида.

Ҳукуматнинг сўнгги маълумотларига кўра, Япония аҳолисининг 49 фоизи ёки 62 миллионга яқин одам COVID-19 га қарши вакцинанинг икки компоненти билан эмланган.

Фавқулодда ҳолат 12 июлда Токиода кучга кирди ва томошабинларсиз ўтказилган Олимпия ва Паралимпия ўйинларида икки марта узайтирилди.

Aвгуст ойининг ўрталарида бутун мамлакат бўйлаб ҳар куни инфекция юқтириш ҳолатлари сони 25,000 дан ошди, аммо ўша пайтдан бери янги ҳолатлар деярли икки баравар камайди, пайшанба куни 10,401 та ҳолат қайд этилди.

Ҳукуматга коронавируснинг олдини олиш бўйича маслаҳат берадиган бир гуруҳ экспертлар чоршанба куни фавқулодда ҳолатни фақат касалхонадаги ўринлар 50 фоиздан кам бўлганида ва оғир ёки ўртача аломатлари бўлган беморлар сони камайганда бекор қилиш кераклигини айтишди.



Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив