15:32, 13 Сентябрь 2022 | GMT +6
Япония иенаси 24 йилдаги энг паст даражага тушиб кетди
NUR-SULTAN. Кazinform – Япония мамлакат иқтисодиётини рағбатлантириш мақсадида хорижлик сайёҳлар учун чегара талабларини камайтириши мумкин, дея хабар беради Кazinform BBCга таяниб.
Япония Вазирлар Кабинети бош котиби ўринбосари Сейдзи Кихара маҳаллий телевидениега берган интервьюсида иенанинг пасайиши «хорижий туризмни жалб қилиш учун энг фойдали» эканлигини айтди. Ўтган ҳафтада иена долларга нисбатан 1,7 фоизга қадрсизланиб, сўнгги 24 йилдаги энг паст кўрсаткичга етди. Сўнгги икки йил давомида Япония коронавирус тарқалишини секинлаштириш чоралари доирасида кўпчилик хорижий сайёҳларнинг киришини тақиқлаб қўйди.
Ўтган йили чет эллик меҳмонларга 2020 йилда Токиода ўтказилиши қолдирилган Олимпиада ўйинларида иштирок этиш тақиқланган эди. Бироқ жорий ойда мамлакатга киришга рухсат берилган хорижлик сайёҳлар сони кунига 20 мингдан 50 мингга кўпайди.