Япония Бош вазирининг дафн маросимида 6 мингдан ортиқ одам қатнашди

3 Октябрь, 20:43
Япония Бош вазирининг дафн маросимида 6 мингдан ортиқ одам қатнашди

ASTANA. Кazinform – Қозоғистон Республикаси Ташқи ишлар вазирлиги расмий вакили Айбек Смадияров вазир Мухтар Тлеубердининг Японияга ташрифини сарҳисоб қилди, дея хабар беради Kazinform мухбири.

«Жорий йилнинг 27 сентябр куни Қозоғистон Бош вазири ўринбосари – Ташқи ишлар вазири Мухтар Тлеуберди Япония собиқ Бош вазири Синдзо Абэнинг давлат дафн маросимида иштирок этиш учун Японияга иш сафари билан жўнаб кетди. Расмий маросимда 200 дан ортиқ мамлакат ва халқаро ташкилотлардан япониялик юқори мартабали сиёсатчилар, парламент аъзолари ва хорижий делегациялар каби 6000 дан ортиқ киши иштирок этди. Қозоғистон делегацияси раҳбарини Япония Бош вазири Фумио Кишида қабул қилди. У Президент Қасим-Жомарт Тоқаев, Қозоғистон Ҳукумати ва халқи номидан ҳамдардлик билдирди. Қозоғистон Ташқи ишлар вазирлиги раҳбари марҳум собиқ Бош вазирнинг рафиқаси Акиэ Абэга ҳамдардлик билдирди», — деди у вазирликдаги ҳафталик брифингда.

Унинг таъкидлашича, ташриф доирасида Қозоғистон ТИВ раҳбари Япония Ташқи ишлар вазири Ёшимаса Хаяши билан икки томонлама учрашув ўтказди. Томонлар икки ва кўп томонлама ҳамкорликни ривожлантириш масалаларини муҳокама қилдилар, халқаро вазият ва савдо-иқтисодий масалалар юзасидан фикр алмашдилар.

«Бундан ташқари, жорий йилнинг декабр ойида «Марказий Осиё+Япония» мулоқоти Ташқи ишлар вазирлари кенгашининг 9-мажлиси ҳамда иқтисодий ҳамкорлик бўйича Қозоғистон-Япония ҳукуматлараро ва хусусий сектор қўшма комиссиясининг 8-мажлисини 2023 йил феврал ойида Токиода ўтказишга келишиб олинди« - деди Айбек Смадияров.

Фото: gov.kz

Муаллиф: Марлан Жиембай

Ўхшаш янгиликлар

Янгиликлар