Январ воқеаларида зарар кўрган тадбиркорларга солиқ имтиёзлари берилади
25 Май 16:18

Январ воқеаларида зарар кўрган тадбиркорларга солиқ имтиёзлари берилади

NUR-SULTAN. Kazinform – Қозоғистон Миллий иқтисодиёт вазири Алибек Қуантиров Парламент Мажилисининг ялпи мажлисида январ ойидаги тартибсизликлардан жабр кўрган тадбиркорларни қўллаб-қувватлаш бўйича солиқ имтиёзларини тушунтириб берди, деб хабар беради Kazinform мухбири.

«Давлат раҳбари Январ воқеалари натижасида етказилган зарарни қоплаш, тадбиркорлик субъектларига ёрдам кўрсатиш бўйича топшириқ берди. Бу иш жараёнида солиққа тортиш масалалари ҳам мавжуд. Шу боис тадбиркорларни олинган компенсация миқдори бўйича солиқ мажбуриятидан озод қилиш мақсадида ушбу масалани тартибга солувчи нормалар таклиф этилмоқда», — деди А.Қуантиров.

Шунингдек, у интернет соҳасидаги солиқ тизими бўйича таклиф билан чиқди.

«Интернетга кириш учун янги технологиялардан тобора кўпроқ фойдаланилмоқда. Улардан бири геостационар бўлмаган сунъий йўлдош алоқа тизимларидир. Солиқ кодексида ушбу турдаги алоқа учун 1 ойлик ҳисоб-китоб кўрсаткичи миқдорида тўлов белгилаш таклиф қилинмоқда», — деди вазир.

Аввал хабар қилинганидек, қонун лойиҳасини биринчи ўқишда муҳокама қилиш чоғида Қозоғистонда фойдали қазилмаларни қазиб олиш солиғи ва рақамли майнинг солиғи оширилади.


Муаллиф: Руслан Ғаббасов


Ўхшаш янгиликлар

Янгиликлар

Архив