Янги Ижтимоий кодекс ушбу соҳадаги 16 та қонунни бирлаштиради

NUR-SULTAN. Кazinform - Янги Ижтимоий rодекс ушбу соҳага оид 16 та қонунни бирлаштиради. Бу ҳақда Қозоғистон Президенти Администрацияси Раҳбарининг биринчи ўринбосари Даурен Aбаев «Ашық диалог»га (Очиқ мулоқот) берган интервьюсида маълум қилди, деб хабар беради Kazinform мухбири.

«Янги Ижтимоий кодексда аввало иккита асосий масала ҳал этилиши керак. Биринчиси, барча стандартларни битта ҳужжатга мослаштириш. Ҳозирги кунда ижтимоий таъминот соҳасида 1 та кодекс ва 16 та қонун мавжуд. Меҳнат ва аҳолини ижтимоий муҳофаза қилиш вазирлиги мутахассислари томонидан 30 дан ортиқ қонун ҳужжатлари ва 150 дан ортиқ қонунга оид ҳужжатлари ўрганилди. Қанчалик юклама эканлигини тасаввур қилинг. Нима сабабдан? Чунки Қозоғистон ижтимоий қўллаб-қувватлашга катта сармоя киритади. Бундай сиёсат эса барчага тушунарлироқ бўлиши керак», — деди Президент Aдминистрацияси Раҳбарининг биринчи ўринбосари ва бу борадаги қонунчиликнинг уйғунлашуви инсонпарварлик ижтимоий сиёсатининг амалга оширилишига олиб келишини таъкидлади.

«Иккинчи масала бироз мураккаброқ. Давлат аппарати атрофидаги ижтимоий доирани бузиш керак. Эндиликда бу соҳадаги ҳар бир алоҳида ҳаракат алоҳида давлат органи зиммасида. Aнъанавий равишда 16 та давлат органи ўз юрисдикциялари доирасида 16 хил қонунларни шарҳлайди. Ижтимоий соҳанинг барча нормаларини бир кодексга жамлаш ушбу нормаларни ижтимоий таваккаллар бўйича шакллантириш имконини беради. Президентимиз сўз юритаётган шахсга йўналтирилган ижтимоий сиёсатнинг асоси ҳам шундан иборат. Бу баландроқ эшитилиши мумкин. Бироқ янги Ижтимоий кодекс тўғридан-тўғри тўловлар орқали муаммоларни яширмайди, балки фуқароларга имконият яратади», — деди Даурен Aбаев.

Муаллиф: Есимжан Нақтибай