Яқинлашиб келаётган Мажилис сайловида 12 миллионга яқин фуқаро овоз беради

None
ASTANА. Кazinform - 12 миллионга яқин фуқаро Мажилис сайловларида овоз беради. Бу ҳақда ҚР Марказий сайлов комиссияси раиси ўринбосари Константин Петров маълум қилди, дея хабар беради Kazinform мухбири.

«Жорий йилнинг 1 январи ва ўтган йилнинг 1 июлидаги ҳолат бўйича Марказий сайлов комиссияси томонидан сайловчилар рўйхати тузилади. Унга фаол сайлов ҳуқуқига эга бўлган фуқаролар доимий прописка жойи бўйича қўшилади. Ҳар бир сайлов кампаниясида фуқароларнинг доимий прописка жойи ва улар овоз бериш истагида бўлган сайлов участкаси бўйича ариза бериш имконияти ҳисобга олинган ҳолда сайловчилар рўйхати индивидуал тарзда тузилади, – деди у Марказий сайлов комиссияси мажлисида.

Унга кўра, Марказий сайлов комиссияси сайловчилар рўйхатини 2023 йил 1 январ ҳолатига кўра тузди.

«Унда яшаш жойи бўйича 11 миллион 970 минг 406 нафар сайловчи киритилди. Сайловчиларнинг энг кўпи – 1 миллион 177 минг 507 нафар сайловчи Туркистон вилоятида, энг ками – 138 минг 277 нафар сайловчи Улитау вилоятида рўйхатга олинган», — деди Константин Петров.

Муаллиф: Марлан Жиембай

Сўнгги хабарлар