Яқин уч йилда Қарағанди вилоятида 28 мингдан ортиқ болага мўлжалланган янги мактаблар қурилади

QARAǴANDY. Kazinform – Яқин 3 йилда Қарағанди вилоятида 28 мингдан ортиқ болага мўлжалланган янги мактаблар қурилади. Бу ҳақда Президент Қасим-Жомарт Тоқаев Қарағанди вилояти жамоатчилиги билан учрашувда маълум қилди, дея хабар беради Kazinform Ақордага таяниб.

«Таълим, соғлиқни сақлаш, спорт ва маданият инфратузилмасини ривожлантириш. Бу йўналишдаги ишлар фуқаролар ҳаётига бевосита дахлдор. Мен авлодга сифатли таълим-тарбия беришга алоҳида эътибор қаратаман. Менинг ташаббусим билан «Қулай мактаб» миллий лойиҳаси бошланди. Биз уни бутун мамлакатимиз бўйлаб татбиқ этмоқдамиз. Келгуси 3 йилда бу ҳудудда 28 мингдан ортиқ болага мўлжалланган янги мактаблар қурилади. Қурилиш келгуси йилда бошланади. Шунинг учун ерни бўлиш ва уни коммунал тармоқларга улаш масаласини ҳозирданоқ ҳал қилиш керак»

, - деди ҚР Президенти йиғилишда.

Шу билан бирга, Президент тиббий таълим тизимини ривожлантириш асосий вазифалардан бири эканини таъкидлади.

«Қарағанди тиббиёт университети бутун мамлакат учун малакали мутахассислар тайёрлайди. Ушбу таълим муассасасини шифокорлар устахонаси деб аташ мумкин. Ваколатли вазирлик университетлар ёнида 5 та шифохона қуриш лойиҳасини таклиф қилди. Улардан бири Қарағандида қурилади. Университет клиникаси қурилиши келгуси йилда бошланиши керак. У замонавий ускуналар билан жиҳозланган бўлиши керак. Ўйлайманки, клиника ушбу ҳудудда тиббиёт илми ривожига, янги технологияларни жорий этишга янги суръат бағишлайди»

, - дея қўшимча қилди Давлат раҳбари.